YOSEIKAN BUDO - Larunbatan  (2ak- 3ak30) Haurren Xokoan

  • yoseikan budo tailerra

EHZ festibalean Bask Force, Urrunako elkartea etorriko da haurrei Yoseikan Budo formakuntza bat proposatzeko. Arte martzial horiek lantzeko, haurraren gaitasunei egokituko da formatzailea eta gorputzaren indarra, bere oreka landuko ditu ikaslearen mugak errespetatuz. Adin guztiei idekia da, haurrek haien energia gastatzeko aukera ona da !

 

 

Izarren hautsa (3 urtetik goiti) - Igandean 4ak30- 5ak

IXABEL MILLETek (Maddi Irazokiren ilustrazioak lagunduta) idatzi duen liburuan oinarritutako obra da. Idazleak berak bere obra abiapuntu hartu antzezlana sortzeko.

Izar eder bat da Izartxo, zeruan dirdir alaia. Beti lagunekin jolasean, txin-txan-txon, pozik eta irrifartsu. Arin zebilen, ziri-zara, ziri-zara, urre-izpiak atzean. Baina behin batean joateko garaia heldu zen.

Ikuskizun txiki honek izarretatik lurrerainoko Izartxoren bidaia kontatuko du. 30 minuten zehar, atrezzo xumeek eta musika suabeak girotuko dute kontalariaren ahots eztia

 

 

Musika lagun (10 haurrentzako tailerra) - Larunbata 11ak 12ak, Eztabaida Gunean

Tailer honek musikari gogoa pizteko xedea du. Ahots eta gorputz adierazpenaren bidez, erritmoa eta melodiaren sentsua zorroztuko dute haurrek. Beren kuriostasunari dei eginik, tailerraren aktoreak izanen dira eta beren esku dituzten baliabide guziekin jostatuko dira (mintzaira, kantua, gorputz perkusioa...)

Egitarauan : soinu ibilbideak, musika jokoak, ipuina, dantza...

Previous Next

 

GAIA ! - Larunbata 1etatik 4ak arte, pentzean

  • gaia

GAIA-k euskal herri kiroleri loturiko animazio parte hartzaileak proposatzen ditu. Sega luze, lasto altxatze, lasto meta jaurtiketa, Toka, lasterketa forma ugari, boneta jaurtiketa, soka tira, etab... Familian, desafioen bidez, festibalarien artean edo festa giro parte hartzailean joko hauen deskubritzeko aukera izanen da ! Jokoak haurrentzat bezainbat helduentzat egokiak dira !

 

 

SARDE SARDEXKA, Goûter c'est jouer !  7 urtetik goiti - Igandea 11etatik 12ak arte

5 zentsuen deskubritzeko helburuarekin sentsuen desafioak izanen dira janari ezberdinen inguruan.

Lagun artean edo familian egiteko jokoa! (12 bikoteei idekia)

 

 

 

Dantza Kongolesa tailerra - Igandean 4ak30-5ak30 konferentzia gunean

Rébécca M'Boungouk haurrei kultura kongolesari buruzko hurbilpen pedagogiko eta ludiko bat proposatzen die, dantza eta kantua nahasiz.

Inskribatu!

  • dantza tailerra